Изге Болгар җыенында Әлки районыннан зур делегация катнаша

«Җыен булуы һәм аның программасы белән авыл җирлекләре башлыкларын, мәчет мәхәлләләрен таныштырдык. Хәзерге сәгатьтә бездән ике йөздән артык кешенең баруы теркәлде», – диде ул.

Рәшит Билаловтан Болгарга барырга теләүчеләрнең автобус белән тәэмин ителүе турында да сораштык. Ул болай диде:

«Район үзәгеннән сәфәргә юлланучыларны озату өчен башта автобус билгеләгән идек. Ләкин имамнар: „Күп кеше белән Болгарга баргач, кайтканда бер-береңне көтү авыр. Һәркайсыбыз үз транспортыбыз белән барабыз“, – дип автобус тәкъдименнән баш тарттылар».

Районнан шулай ук Әлки кооперативы, җәмәгать туклану предприятиеләре, эшмәкәрләр, медицина хезмәткәрләре һәм полиция вәкилләре Изге Болгар җыены кунакларына хезмәт күрсәтәчәк һәм аларның иминлеген кайгыртачак.