Әлки районы: буаларны язга бүгеннән әзерлиләр

Буаның суы күп икән,аның өчтән ике өлешенә кадәр агызу киңәш ителә. Бу язгы суларга запас урын булсын өчен эшләнә.

Хәзерге вакытта районда 24 гидротехника корылмасы исәпләнә. Язын ташу куркынычы булмасын өчен 20 октябрьгә кадәр аларның суларын киметү сорала. Әлеге эшне авыл җирлекләре башлыклары белән  буаларның хуҗалары башкарырга һәм контрольдә тотарга тиешләр. Бу хакта безгә район гражданлык сагы идарәсе җитәкчесе Лилия Гайфуллина хәбәр итте.