Әлки районы: Яңа Чаллы зираты тирәсен тотып алу өчен ярдәм кирәк

Акча җитәрлек булмаса да, эшне башлап җибәрделәр. Менә атнадан артык инде зират тирәсендә өмәләр үткәрелә. Иске койма баганалары ныгытыла, аларга яңа җепсәләр беркетелә, ачык зәңгәр төстәге рәшәткәләр кадаклана.

Зират тирәсе 1 километрдан артыграк, аны әйләндереп алу өчен зур сумма акча, бик күп материал кирәк булачак әле. Кызганыч, әмма Яңа Чаллыдан уңышлы эшмәкәрләр дә, байлар да чыкмаган. Барлык чыгымнарны күтәрү авыл халкы өчен авыр булачак, билгеле.

Чаллы халкы читтә яшәүче авылдашларына, барлык якташларга мөрәҗәгать итә: зират тирәсен тотып алуда ярдәм итсәгез иде. бу эштә катнашканнарга савап булыр, юмарт гамәлләрен халык онытмас.