Әлки районы: Юхмачыда мәктәпкәчә яшьтәге балалар өчен "Алтын көз" бәйрәме оештырдылар

«Кыңгырау» балалар бакчасының малайлар һәм кызлары өчен чараны Юхмачы авылы китапханәсе филиалы мөдире Галина Фомина әзерләде. Балалар табигатьнең көзге күренешләре турында шигырьләр уку юлы белән үзләренең белемнәрен киңәйттеләр.

2 яшьтән алып 6 яшькә кадәрге 14 малай һәм кыз классик шагыйрьләребезнең алтын көзе турында шигырьләрен сөйләделәр. Тәрбиячеләр Олеся Гарипова һәм Ләлә Усманова ярдәме белән балалар бер-берсеннән матуррак шигырьләр укыдылар.