Әлки районында җылы җәй теләп дога кылалар

Гадәттә июль җәйнең иң эссе ае була торган иде. Быел исә киресенчә. Туктаусыз яуган яңгырлар авыл хуҗалыгында, бигрәк тә игенчелек тармагында башкарылырга тиешле күп эшләрне тоткарлый. Чамадан тыш дымлылык чәчүлекләрдә төрле авырулар китереп чыгара. Өлкән буын кешеләре әнә шуны аңлап, борынгы ырымнарны искә төшереп, табигать анабыздан, җылы, кояшлы аяз көннәр сорыйлар. Иң мөһиме - яхшы буласына ышаныйк, өметне җуймыйк.