Әлки районыннан Эльвир Хәйруллин билбау көрәшендә Бөтенроссия ярышлары призеры булды

Бу ярышларда ул Татарстан командасы составында чыгыш ясап, 62 килограмга кадәрге үлчәүдә бил алышты. Күп кенә көндәшләрен җиңеп Эльвир бронза медальгә ия булды. Шушы җиңүе белән егет спорт мастерлыгына кандидат исеменә лаек икәнен раслады.

Эльвир Казан федераль университетында югары белем ала. Кечкенәдән спорт белән шөгыльләнгән егетнең тренеры - әтисе, Яңа Салман мәктәбенең физкультура укытучысы Илмир Хәйруллин.