Әлки районына 200 доза "Спутник V" вакцинасы кайтты

Кичә Базарлы Матак үзәк район хастаханәсенә 200 дозада «Гам-КОВИД-Вак» («Спутник V») вакцинасының яңа партиясе килде. Табиб-эпидемиолог ярдәмчесе Гүзәл Хәбибуллина сүзләренә караганда, прививка кабинетында район халкын вакциналаштыра башлаганнар инде.

Билгеле булганча, “Спутник V” – ике фазалы вакцина. 105 райондашыбыз беренче доза алды, аларның 50се ике тапкыр прививка ясатты инде. Бу атна ахырына кадәр калган 55 кешегә дә икенче инъекция куячаклар.

Прививка ясатырга һәм үзләрен әлеге мәкерле авырудан сакларга теләүчеләр поликлиникага 8(84346)20-8-59 номеры буенча, үзенең участок терапевтына яки ФАП фельдшерына мөрәҗәгать итә алалар.