Әлки районында 13 июльдә физика һәм тарихтан 15 укучы БДИ тапшыра

Районыбызда 13 чыгарылыш укучысы физикадан белемнәрен сынаячак. Бу имтихан ике өлештән һәм 32 биремнән тора. Имтихан 3 сәгать 55 минут дәвам итәчәк.

Тарихны быел ике кеше тапшыра. Бу сынау ике өлештән һәм 25 биремнән тора. Аларны шулай ук 3 сәгать 55 минутта башкарырга кирәк.

Бердәм дәүләт имтиханнарының нәтиҗәләре 27 июльдән дә соңга калмый билгеле булачак.

Исегезгә төшерәбез, пандемия аркасында быел дәүләт имтиханнарын вузларга керергә ниятләгән чыгарылыш укучылары гына тапшыра. БДИ 25 июльгә кадәр дәвам итә. Безнең районда 46 кеше БДИ тапшыра. Имтиханнар Базарлы Матак урта мәктәбе базасында уза.