Әлки районында арышны сенажга салалар

Бу узган елның шул чоры белән чагыштырганда 12 мең тоннага кимрәк.

Сенаж өчен күпьеллык үлән массасы түбән булганга, “Востокзернопродукт” отрядларында көзге арышны яшел масса өчен базларга сала башладылар. Юхмачы сөтчелек комплексына –161 гектарда, Чаллы комплексына 190 гектарда үстерелгән арыш терлек азыгы хәзерләү комбайны аша ваклатылып базларга салынды. Хуҗалыкларда бер мең тонна печән хәзерләнде. Сенаж һәм печәнне, явым-төшем була калса, икенче һәм өченче чабудан күбрәк хәзерләү бурычы куела.