Әлкине аккошлар үз иткән

Аккошлар бит алар бер-берсенә тугры булулары белән безне хәйран калдырган җан ияләре. Шуңа алар татулык, мәхәббәт символы буларак та санала.

Әхмәт янындагы аккошларны күрергә олылар да, балалар да ашыга икән. Аларны фотога, видеоларга истәлеккә төшереп калырга тырышалар. Алар биредә озаккамы – анысын бит әйтү кыен. Әнә 3-4 ел элек 5 аккош шулай төшеп берничә көн яшәгән иде. Аннан кинәт юкка да чыктылар. Әллә аларның тынычлыгын югалтканнармы? Халык инде бу юлы бик сак кына мәхәббәт кошларын күзәтә.