Республикада бу дүшәмбедән кабат театрлар, кино заллары, цирк эшли башлый

Татарстанда “коронавирус чикләүләрен” бетерүнең өченче этабы башланды. Театрлар, кинотеатрлар, цирк, концерт заллары, аквапарклар кабат ишекләрен ача. Әмма аларда халык саны мөмкин булганның 50 процентыннан артмаска тиеш. Шулай ук  санитар нормалар һәм таләпләрнең тулысынча үтәлүе зарур.

Ачык мәйданнарда күп дигәндә 100 кеше җыеп чаралар үткәрергә була. Ә биналардагы чараларда халык саны берьюлы 50 кешедән артмаска тиеш. Спорт чаралары үткәрү мөмкинлекләре дә киңәя. Стадионнарда хәзер тамашачылар саны гомуми күләмнең 25 процентын тәшкил итә ала. Кафе һәм рестораннарда күп дигәндә 50 кеше катнашында мәҗлесләр үткәрү рөхсәт ителә.