Дәүләт думасында Россия Президентының намусын һәм абруен яклый торган закон әзерләүгә керешкәннәр. Депутат Роман Худяков әлеге идеясен 1990 елгы законга нигезләнеп эшләгән, дип хәбәр итә "Известия" газетасы.
Мондый эшкә депутат YouTube хостингында Президентны хурлый торган видероликлар күргәч тотынган. Закон өстендә эшли башлау белән берьюлы, җинаять эше кузгату турында Юрий Чайкага һәм Александр Бастрыкинга мөрәҗәгать иткән.
СССР Президентын яклый торган элеккеге законда әлеге җинаять өчен өч елга кадәр, матбугат чараларын кулланып эшләгәндә - алты елга кадәр иректән мәхрүм итү каралган булган.
Нет комментариев