Татарстанда коронавирус йоктыруның 84 яңа очрагы расланган

Бер кеше авыруны читтән йоктырып кайткан, 83 е чирлеләр белән аралашу  аркасында коронавирус иярткән. 28 пациент хастаханәләргә салынган, 56 сы өйдә дәвалана.

Чирлеләрнең зур күпчелеге – Казанда (51 очрак). Районнар арасында антирекорд – Апаста, биредә 10 кешедә COVID-19 расланган.

Узган тәүлектә әлкилеләрдә авыру очраклары расланмаган. Ә гомумән алганда  бездә коронавирус ияртүнең 7 очрагы теркәлде.

15 майга Татарстанда COVID-19 белән зарарлануның барысы 2064 очрагы билгеле.

Россиядә исә узган тәүлектә куркыныч вирусны 10598 кеше “эләктергән” (подхватили).