Бүгенге көндә республикада 3,6 меңнән артык эшсез кеше рәсми теркәлгән, алар уртача өч ай эчендә яңа эш урыны табалар. Бу хакта «Татар-информ» агентлыгы хәбәр итә.

Кадрлар кытлыгы аеруча сәнәгать предприятиеләрендә сизелә. Анда аппаратчылар, инженерлар, станокчылар, слесарьлар, эретеп ябыштыручылар, токарьлар һәм тегүчеләр бик кирәк. Төзелеш тармагында арматурчыларга, бетончыларга, монтажчыларга һәм ташчыларга ихтыяҗ зур, ә транспорт өлкәсендә машина йөртүчеләр һәм электриклар җитми. Социаль өлкәдә дә белгечләр дефициты күзәтелә: республиканың шәһәр-районнарына табиблар, шәфкать туташлары, педагоглар, тәрбиячеләр, шулай ук туклану өлкәсе өчен пешекчеләр таләп ителә.