Узган якшәмбедә киокусинкай-каратэ буенча Түбән Кама шәһәрендә узган республика беренчелегендә Әлки егетләре җиңүләр яулады

Түбән Камага каратэ буенча республиканың 14-15 һәм 16-17 яшьлек иң көчле спортчылары җыелган иде. Ярышка тирә-күрше өлкәләрдән дә килүчеләр булган.

14-15 яшьлекләр арасында Базарлы Матак егете Андрей Зиньков (50 кг га кадәр үлчәмдә) беренче урынны яулады. Ә аның бертуган абыйсы Никита 16-17 яшьлекләр арасында (70 кг га кадәр) икенче нәтиҗә күрсәтте. Яшь спортчыларыбыз әтиләре Андрей Зиньков кул астында шөгыльләнә.