Рифат Садыйковка Әлки район башлыгы Рәхмәт хатын тапшырды

Анда: “ Әлки районында мәдәниятны үстерүгә шәхси өлеш кертүегез өчен рәхмәт белдерәм. Сезнең иҗат энергиягез, талантыгыз халыкта шатлык, игелек, мәрхәмәтлек һәм киләчәккә ышанычылы өмет тудыра” диелгән.
Рифат Садыйков район сәхнәләрендә, төрле зур чараларда һәрчак чыгыш ясый. Тамашачылар аның моңлы, әһаңлы тавышына сокланалар, көчле алкышлыйлар. Ул республикада үткән төрле конкурсларда катнашып зур җиңүләр яулаган егет. Аңа киләчәктә дә иҗат уңышлары телик!