Буаларны бүгеннән язга әзерлисе

Райондагы барлык буаларның суын киметү зарур.

Район башлыгы Александр Никошин авыл җирлекләре башкарма комитетлары алдына шундый бурыч куйды. Гадәттә буаларны көзеннән, сулары туңганчы язга әзерлиләр. Шул максатта алардагы суның өчтән берен генә калдырырга кушылды. Суны артыгын киметергә дә ярамый - балыкларга кыш чыгарга кирәк. Һәр авыл җирлеге башлыгы үз территориясендәге сулыкларны контрольдә тотарга тиеш. Вакытында чарасын күрмәсәң, язын суы ташып, буаны ремонтлау зур чыгымнар сорарга мөмкин.