Әлки районы китапханәчеләре осталыкларын күрсәттеләр

фото www.xakac.info сайтыннан

Бөтенроссия китапханәләр көнен район китапханәчеләре һөнәри осталык бәйгесе белән билгеләп үттеләр.

Бәйгедә 8 китапханәче катнашты. Беренче урынга Карга авылы китапханәчесе, "Ел хатын-кызы" бәйгесендә катнашып та үзенең төрле яклап сәләтле икәнлеген күрсәткән Айсылу Кәримова лаек булды. Икенче-өченче урыннарны Алпардан Люзия Гарифуллина һәм Базарлы Матактан Зөһрә Галиуллина бүлеште. Тамашачыларга бик тә охшаган Югары Колчури но китапханәчесе Надежда Фурасева да бүләккә лаек булды.