Александра Филипповага киокусинкай-каратэ буенча спорт мастерлыгына кандидат исеме бирелде

фото school.baltinform.ru сайтыннан

Югары Колчуринодан Александра Филипповага киокусинкай-каратэ буенча спорт мастерлыгына кандидат исеме бирелде.

Ә Базарлы Матактан никита Зиньков шул ук төре буенча беренче спорт разрядына даек булды. Алар икесе дә кечкенәдән каратэ белән шөгыльләнәләр. Район һәм республикада гына түгел, соңгы елларда Россия турнирларында уңышлы чыгыш ясап, районыбыз данын яклыйлар. Александра Филиппова Югары Колчурино мәктәбен бик яхшы билгеләренә тәмамлап, олы тормышка аяк басарга җыена. Александра - районыбызда спорт мастерлыгына кандидат исемен алган бердәнбер кыз-бала. Ә Никита Зиньков Базарлы Матак мәктәбенең 9нче сыйныфын тәмамлады. Аның өчен зур җиңүләр алда әле. Спортта үз юлларын тапкан егет-кызларыбызга уңышлар юлдан булсын.