Коммуналь бурычларны суд аша түләтәләр

Торак-коммуналь хезмәтләр өчен җыелган бурычларны түләтү белән суд приставлары шөгыльләнә.

Хәзер әҗәтле шундый биш кешенең эше приставлар карамагында. Аларның торак-коммуналь хезмәтләр өчен барысы 25 мең сум бурычлары җыелган. Әлеге сумма билгеләнгән срокта түләнмәгән очракта суд приставлары аны алган керемнәрдән түләтү, мөлкәткә арест салу, илдән чыгуны чикләү, административ җаваплылыкка тарту кебек чаралар күрә ала.