Гаризаны электрон рәвештә генә тапшырырга ярыймы

Дәү әнине карау буенча компенсация түләвен теркәтү өчен, аның белән бергә Пенсия фондына бармыйча, гаризаны электрон рәвештә генә тапшырырга ярый микән? 
Роман, 
Базарлы Матак.

Сорауга Әлки районының Пенсия фонды җитәкчесе Рәис Галләмов җавап бирде.  

–     Әйе, Пенсия фондының мондый хезмәте электрон юл аша да хәл ителә ала. Сез дәү әниегезне тәрбияләргә теләвегез турындагы гаризаны үз Шәхси кабинетыгыздан тапшырасыз. Дәү әниегез дә үзен нәкъ менә Сездән каратырга риза булуын расларга тиеш. Ягъни аның да интернет челтәреннән гариза юллавы зарур.