Борискино авылында сарай янды

 
Янгын чыгу сәбәпле, ут сарайның ярты мәйданын, түбәсен һәм андагы кирәк-ярак әйберләрне юк иткән. Бәхеткә, һәлак булучылар юк, беркем дә имгәнмәгән. Бәхетсезлеккә китергән сәбәп – җылыту мичен кулланганда, куркынычсызлык таләпләрен үтәмәү. Мондый фаҗигаләрне булдырмау максатыннан, Янгын күзәтчелегенең Әлки һәм Спас районнары буенча баш дәүләт инспекторы Рәдис Инсапов җылыту мичләрен кулланганда мәҗбүри таләпләрне үтәргә кирәклеген тагын бер тапкыр искәртә. Янгыннан үзегезне дә, якыннарыгызны да саклагыз.