20 октябрь – Юл хуҗалыгы хезмәткәрләре көне

Сезне һөнәри бәйрәмегез белән чын күңелдән котлыйм. Сез автомобиль юлларын төзек тоту, тоткарлыксыз һәм имин хәрәкәт өчен шартлар булдыру өчен тырышасыз. Районда юл төзелешенә, аны ремонтлауга зур игътибар бирелә, күп эшләр башкарыла. Нинди ел фасылы һәм һава шартлары булуга карамастан, юлларны тәртиптә тоту да сезнең өстә. Хезмәтегез җиңел түгел. Еш кына сезгә көнне төнгә ялгап эшләргә туры килә.  Юлчыларыбыз алларына куелган бурычны уңышлы үти. Бу, һичшиксез, район халкы тормышында уңай чагылыш таба. Намуслы, тырыш хезмәтегез өчен рәхмәт сезгә. 
Ихлас күңелдән сезгә нык сәламәтлек, көч һәм гаилә иминлеге, яхшы кәеф, тотрыклы эш, тормыш юлында уңышлар, иртәгесе көнгә ышаныч телим. 
Александр Никошин, 
муниципаль район башлыгы, район Советы рәисе.