23 ноябрь иртәсе Әлки халкын аякка басып булмаслык бозлавык белән каршы алды

  Базарлы Матак авыл җирлеге башкарма комитеты егетләре күп йөри торган автомобиль һәм җәяүлеләр юлларына комлы-тозлы катнашма сиптереп чыктылар.

Базарлы Матак җирлеге балансында ком сиптерә торган махсус  “КамАЗ” автомобиле бар. Аның белән тәҗрибәле шофер Наил Хәмәтшин  идарә итә. Наил көн дәвамында иртә сәгатьләрдән күп урамнарга комлы катнашма сиптереп чыгарга өлгергән. Табигатьнең беренче сынавын авыл җирлеге кышкы чорга әзер булуларын исбатлады.