Әлки районында 370 миллион сумлык төзелешләр эшләре алып барылган

Азат Низамиев, 8 декабрь 2023 - 12:32

313

9 ай эчендә эре һәм урта предприятиеләр тарафыннан 949 миллион 378 мең сумлык инвестицияләр кертелгән, ул узган елның шул чоры белән чагыштырганда, 2 тапкыр күбрәк.

Район территориясендәге оешмалар гомуми бәясе 370 миллион сумлык төзелешләр алып барган.
Федераль һәм республика программалары буенча районда сәламәтлек саклау, мәдәният, спорт объектлары төзелә.

Түбән Колчурино авылында 25 урынга балалар бакчасы белән бергә 25 укучыга мәктәп

Быел районда түбәндәге корылмалар салынып, файдалануга тапшырылган:
– Түбән Колчурино авылында 25 урынга балалар бакчасы белән бергә 25 укучыга мәктәп;
– Югары Кәчи авылында фельдшер-акушерлык пункты.
Түбән Әлки авылында мәдәният йорты, Базарлы Матакның Филиппов урамында 12 фатирлы торак йорт төзелә. Иске Салман һәм Яңа Алпар авылларында спорт мәйданчыклары төзү эше төгәлләнеп килә.

спорт мәйданчыгы