Әлки районында шахмат буенча “Буыннар бәйләнеше” исемле республика турнирының зона этабы үтте

Ярышларда Әлки, Нурлат һәм Аксубай районнары гаиләләре катнашты.  Команда 3 кешедән тупланды (1 дәү әти яисә дәү әни, әти-әнинең берсе һәм 14 яшькә кадәрге бер бала). 

Өлкәннәр арасында җиңүне Николай Фомин (Нурлат районы) яулады. 2 нче урында –  Юрий Еликов (Әлки районы), 3 нче урында Александр Терентьев (Аксубай районы). 

Әти-әниләр арасында 1 нче урында – Флен Зәйнуллин (Аксубай районы), 2 нче урында Гөлнара Фомина (Нурлат районы), 3 нче урында Сергей Еликов (Әлки районы). 

Балалар арасында урыннар түбәндәгечә бүленде: 1 нче урында – Энгель Зәйнуллин (Аксубай районы), 2 нче урын – Ләйлә Фомина (Нурлат районы), 3 нче урын – Владислав Еликов  (Әлки районы).

Ярышлар районның яшьләр һәм спорт буенча бүлеге, Пенсия һәм социаль иминият бүлеге, Пенсионерлар берлеге бүлеге ярдәме белән оештырылды. 

Турнирның финал өлеше 18 апрельдә Казан шәһәрендә узачак.