Илебез аякка бассын өчен без көчебезне кызганмадык. ФОТО

– Бөек Җиңү көненнән соң 73 ел узды. Куәтле танклар, орудиеләр белән ко­ралланган күп мил­лионлы фашист ар­миясен җиңү өчен илебез халкына нинди зур сынаулар белән очрашырга, югалту­лар кичерергә туры килүен күз алдына китерү дә авыр. Әмма совет солдатларының ныклыгы, халыкның җиңелмәс рухы фа­шист илбасарлары­на җиребезне яулап алырга ирек бирми. Хөрмәтле ветеранна­рыбыз! Сез дә тыл­да көнне төнгә ялгап хезмәт итеп, Кызыл Армиянең данлы җиңүенә бәяләп бе­тергесез өлешегезне керткәнсез. Сезнең фидакарьлегегез ал­дында без бүген баш иябез. Алда торган бөек бәйрәм белән сезне чын күңелдән тәбрик итәм,–диде Александр Никошин.

Митингта катнашу­чыларны район вете­раннар советы рәисе Ришат Хәлиуллин да җылы тәбрикләде.

Тыл хезмәтчәне Ираида Казнованың чыгышы да дулкын­ландыргыч яңгырады.

–Бүгенге яшьләргә мөрәҗәгать итеп, Ва­танны яратуыгызны, аңа тугрылыклы бу­луыгызны телисем килә. Авыр сугыш ел­ларында без, бернигә карамастан, укыдык та, тырышып хезмәт тә иттек. Сугыштан соң халык хуҗалыгын җимерекләрдән тор­гызырга кирәк иде. Илебез аякка бассын өчен без көчебезне к ы з г а н м а д ы к . Егетләр һәм кызлар, туган илебезне та­гын да көчлерәк һәм куәтлерәк итү сезнең кулда, моның өчен ба­рын да эшләгез!–диде ветеран.

Мәдәният хезмәткәрләре һәм балалар башкаруын­да рус һәм татар телләрендәге су­гыш чоры җырлары тантананы тагын да эчтәлеклерәк итте.

Чара азагында уку­чылар һәм яшьләр Тыл хезмәтчәннәре һәйкәленә чәчәкләр салдылар.