Югары Әлки авылында яшәүчеләр “Ярдәм янәшә” акциясенә кушылып, мобилизациягә эләгүчеләргә йон оекбашлар бәйлиләр

Әлеге эшне авыл клубына кичләрен җыелып, хатын-кызлар башкарган. Бер ишесе сарык йонын теткән, икенчеләре аны эрләгән. Аннары киләп һәм йомгап ясап, оекбашлар бәйләгәннәр. Бу изге эштә аларга яшьләр дә ярдәмгә килгән: авылның актив кызлары бик булышкан үзләренә.
–    Авылдашлар ярдәм йөзеннән җеп, йон, кибеттән сатып алган оекбашлар да алып киләләр. Беренче тапкыр 60 пар оекбаш бәйләп җибәргән идек, бу юлы 80-90 пар әзерләргә тырышабыз, – дип аңлатты безгә авыл клубы мөдире Фәния Минһаҗева.