Коронавирус белән бәйле рәвештә мәктәпләрдә язгы каникул 19 мартта ук башлана

Кичә, 17 мартта, Татарстанда бер кешенең коронавирус белән зарарланган булуы ачыкланды.  Ул француз кешесе, авыруны, күрәсең, үз илендә йоктырган булган. Чирле Казанда йогышлы авырулар хастаханәсенә урнаштырылган.

Кичә мәктәпләргә кагылышлы үзгәреш хәбәр ителде. Язгы каникул берничә көнгә алданрак башланачак.

–Укучылар язгы каникулга пәнҗешәмбе, 19 марттан китә. Ял вакытында балаларга экскурсияләргә йөрмәскә, күп кешеле чараларда катнашмаска киңәш ителә. Алданрак әйткәнебезчә, мәктәпләрдә дистанцион укуга күчү буенча әзерлек эшләре алып барыла,–диде безгә район мәгариф идарәсе начальнигы урынбасары Сүрия Вәлиева.