Әлки район судында исерек йөртүче хөкем ителгән

33 яшьлек ир РФ Җинаять кодексының 264.1 маддәсендә каралган җинаять кылуда – автомобиль белән исерек хәлдә идарә итүдә – гаепле дип табылган. “Хөкем ителүче моңа кадәр дә инде транспорт чарасы белән исерек килеш идарә иткән өчен административ хокук бозуда гаепле дип табылган булган”,–ди судья ярдәмчесе Лилия Шәфикова.

Салмыш йөртүче 150 сәгатькә мәҗбүри эшләргә хөкем ителгән. Ул шулай ук 1 ел 6 ай дәвамында транспорт чаралары белән идарә итү хокукыннан мәхрүм булды.