Әлки районы: фатирларга су гөрләп килә

Ленин урамындагы сигез фатирлы бу йортка су бик начар килә иде. Ә бит әлеге өйдә яшәүчеләр фатирларын ике контурлы газ казаны белән җылыталар. Бу газ казаны эшләсен өчен су басымы да яхшы булырга тиеш.

Берничә көн элек Базарлы Матак авыл җирлеге башкарма комитеты әлеге күп фатирлы йортны башка су трассасына тоташтыруны оештырган. Нәтиҗәдә фатирларда су гөрләп килә башлаган. Биредә яшәүчеләр әлеге мәсьәләнең уңай хәл ителүенә бик шат.