Әлки урманчылыгы осталары ылыслы агачлар орлыклары җыюга керештеләр.
План буенча 15 кг орлык җыеп тапшырырга кирәк аларга. Ансат эш түгел, чөнки 1 тонна күркәдән күп булса 12 кг орлык алып була икән бит. Ә чыршы я нарат күркәсе бик озак – 18 ай өлгерә, диләр белгечләр.
Урман осталары күркәләрне Кара елга, Юхмачы урманчылыклары биләмәләрендәге өлгереп бетмәгән 40-60 яшьлек агачлардан җыялар. Мондый яшьтә чыршы-наратларның түбәнге ботаклары әле шәрәләнмәгән, “җимешен” җыярга ансатрак була.
Нет комментариев