Әлки районы: җыенда җыр да була

Туган авыллары турындагы шигырьләр, җырлар белән күпләр мактана ала. Кайберәүләрнең үз җирле “гимннары” да бар. Чиябаш, Алпар, Апак авылларында һәм башка кайбер җирлекләрдә аннан башка бер генә чара да узмый.

20 ел элек Яңа Үргәгар авыл җирлеге турында да җыр иҗат ителгән иде. Әмма ниндидер сәбәпләр аркасында ул популярлашып китә алмады, аның турында оныттылар да бугай инде.

Актив якташлары туган авыл турындагы җырны “терелтергә”, аңа икенче сулыш бирергә карар кылалар. Әлеге җыр авыл җыены башланыр алдыннан башкарылачак. Ә җыен авыл клубында бу атнаның шимбәсендә була. Солистларны Яңа Үргәгар авылында туып үскән баянчы Марс Ибраһимов музыка белән тәэмин итәчәк.