Әлки районы: Югары Әлкидә Авыл көнендә Винарис әбиләргә мәхәббәт җырларын багышлады. ФОТО

ФОТОРЕПОРТАЖ

Әле бит аның кояшлы җылы көннәре дә шуңа ымсындырып тора. Мөгаен, авылларда кече Сабантуйларның аеруча күңелле үтүе, аларга әллә кайлардан күптән күрелмәгән якташларның кайтуы, эчкерсез очрашу- күрешүләрнең күңелләргә сары май булып ятуы да шуның белән аңлатыладыр.
 Югары Әлки авылында үткән бәйрәм дә әнә шун¬дый күтәренке рухлы, күп төсмерле булды. Августның кызу булса да инде сал¬маклана, тымызыклана төшкән көне әйтерсең бәйрәм оештыру өчен ту¬ган. Авыл уртасындагы зур мәйданда матур итеп киенгән әби-бабайлар, урта буын, яшьләр һәм бала-ча¬галар мәш килә. Әледән-әле машиналар килеп туктый, алардан кунакка кайтучы¬лар килеп чыга да дус-ту¬ганнары кочагына чума. 
“Кайттыгызмы? Вәт булдыргансыз!”,”Исән-сау яшисезме? Бик сагындым үзеңне!” кебек сәламләшү авазлары яңгырый. 
Озакка сузмый гына башлап җибәрделәр бәйрәмне. Бу урында шуны әйтеп китү урын¬лы булыр: Югары Әлкидә авыл көне клуб мөдире, Татарстанның атказанган мәдәният хезмәткәре, га¬ять актив, тынгысыз Фәния Минһаҗева башлангычы, оештыруы нәтиҗәсе. Билге¬ле, Түбән Әлки авыл җирлеге советы катнашы һәм ярдәме белән. Әмма авыл көнендә Татарстанның по¬пуляр эстрада җырчылары Альбина Апанаева, Ви¬нарис Илъегет, Җәмил Дәүләтшин, Гөлнара Га¬бидуллина, биюче Разит Минһаҗев – Фәниянең ду¬слары, аның чакыруы бу¬енча Югары Әлкигә килеп, авыл халкының күңелен күреп, бушлай концерт куй¬дылар. Мондый тамаша¬ны карарга дип кемнәрдер башкалага бара. Ә биредә авыл уртасында булды - тыңла җырчыларны, кушы¬лып көйлә, мәйданга чыгып бие үзләре белән! Хәтта алып баручысы да Казаннан иде – Раил Рамазанов Авыл көненә беренче минутын¬нан ук күңелле тон бирергә тырышты. 
Югары Әлки халкын район башкарма комитеты җитәкчесе Илнур Юсупов сәламләде. 
–Бәйрәмегез бик ма¬тур, күренеп тора, аны тырышып әзерләгәнсез. Быел сезнең авылда ре¬спублика программасы кысаларында мәктәп һәм балалар бакчасы урнашкан бинаны төзекләндердек. Ә киләсе елга клуб бина¬сына тотынырбыз. Бәйрәм белән тәбрик итәм. Дус-та¬ту яшәгез, кунакларыгыз күп булсын!–диде җитәкче. Аның сүзләрен Түбән Әлки җирлеге башлыгы Мансур Галиуллин җөпләде. Ә ми¬крофон янына авылдашла¬ры, Татарстанның халык ар¬тисты Исламия Мәхмүтова чыккач, аны алкышлап кар¬шы алдылар. 
– Авылым белән го¬рурланам. Без бит биредә “Уеннан уймак” дигән кино төшергән идек. Шу¬лай Югары Әлкине бөтен илгә таныттык. Мин әле яшь идем, мәктәптә эшлим. Шулай бервакыт Рияз абый белән сөйләшеп торабыз: “Исламия, килер заманнар, авылга электр кертерләр, асфальт юл килер. Син артистка булырсың, мин сиңа пианинода уйнар¬мын,” дигән иде ул. Үзе юк инде, әмма Рияз абыйы сөйләгән, ә без ышанма¬ган заманнарда яшибез. Өйләрегез иркен, асфальт юл, газ, электр – барысы да бар. Шундый яратам мин авылыбызны! Рәхмәт сезгә чакырганыгыз, машина белән килеп алып кайтка¬ныгыз өчен!–диде мәшһүр якташыбыз. 
Бәйрәм турында анда катнашмаганнар да рухын тоемларлык итеп ничек язасың-сөйлисең? Гөрләде Авыл көне Югары Әлкидә. Альбина белән Гөлнара авылны мактап җырлады; Винарис, әбиләрне оял¬та-оялта аларга мәхәббәт җырларын багышлады; Разит биетте. Үзләре дә җавапсыз калмады – рай¬он тамашачысына таны¬лып өлгергән “Тургай” ансамбле, аның гармунчы¬сы Фаил Хәйбуллин авыл¬дашларын борынгы халык җыры белән сөендерделәр. 
Бәйрәм сыйсыз бул¬мый, әле бит шулкадәр кунак та чакыргач. Пылау остасы буларак даны чык¬кан Фоат Мисалов бер Ка¬зан белән генә чикләнмәде, икенчесен дә тутырып пешерде итле-дөгеле сыйны. Өстәлләрдәге тәм-том, кайнар чәй дә бушлай иде. “Актай” ка¬фесы да кыздырылган ит-казылык, өчпочмак- пәрәмәчне күп итеп алып килгән …Кыскасы, тама¬ша кыл, мәйданда кайна¬ган уен-бәйгеләрдә кат¬наш, аша-эч, бүләкләнгән авылдашларыңа кул чап (авыл көнендә иң өлкән, иң яшь кешеләрне, тату гаиләләрне, беренче клас¬ска укырга керүче ике ма¬лайны һәм быел гына туган ике сабыйны, тагын бик күпләрне мәйданга чакы¬рып бүләкләделәр). Озын сүзнең кыскасы, Югары Әлки авылы көне бик тә күңелле, җырлы-көйле, тәмле сыйлы булып үтте. Кичкә таба инде интернет¬тагы кайбер челтәрләрдә “Вәт бәйрәм иттек ичма¬са! Югары Әлки бик ма¬тур авыл, халкы искиткеч кунакчыл икән!” дигән фикерләр, фоторәсемнәр дә барлыкка килде. Аралар¬ны якынайтты, күңелләрне күтәрде бу бәйрәм!