Әлки районының Чуаш Борнае авылында каты түшәмәле юл төзелә

Чуаш Борнаеның үзәк урамында каты түшәмәле юл салына.

"Алексеевскдорстрой" ААҖ район участогы эшчеләре 1450 метр озынлыктагы әлеге юлны озакка сузмыйча төзеп бетерергә ниятлиләр. Ә Урта Биктимер авылы аша узучы автотрассаның юл полотносын реконструкцияләү эшләре инде төгәлләнде диярлек. Биредә хәзер су агу лотоклары урнаштыралар. Шушы арада асфальт-бетонның өске катламы да түшәләчәк. Район үзәгендәге Үзәк Усадьба урамының 1300 метрлы өлеше шулай ук асфальтлау өчен әзерләнгән. Түбән Әлки авылы янындагы трассада юлдагы чокыр-чакырларны тигезлиләр. Участок эшчеләре моточалгылар белән юл кырыйларындагы үләннәрне дә чабалар.