Әлки районында озын гомерле кешеләр саны арта

Район ветераннар оешмасы җитәкчесе Ришат Хәлиуллин китергән мәгълүматлардан күренгәнчә, 80 нән 90 яшькә кадәрге 904 өлкән кешебез бар. 125 әлкиленең яше 90 нан 95 кә кадәр. Тугыз райондашыбыз – 95 яшьне, дүртесе исә 99 яшьне узган. Бер райондашыбыз июль аенда гасырлык юбилеен билгеләп үтте. Ул – Татар Төгәлбәе авылында яшәүче Бөек Ватан сугышы ветераны Нургазиз Хисмәтов.

Әлеге саннар районда гомер озынлыгының артуы хакында сөйли. Бу ил күләмендә дә шулай. Рәсми мәгълүматлар буенча, 2019 елда Россиядә уртача гомер озынлыгы 73,4 яшь тәшкил итеп, тарихи максимумына җиткән.