Әлки районында яшенле яңгыр эзсез узмаган

Кичә кич һәм бүген төнлә районда көчле яшенле яңгыр булды.

Район электр челтәрләре начальнигы Руслан Шәйхетдинов әйтүенчә, яшен электр хуҗалыгына әллә ни зыян салмаган. Бары район үзәгенең Мәктәп урамында электрүткәргеч линиягә агач ауган. Үткәргечләрдә саклык чаралары күрелү сәбәпле, электр чыбыгы өзелмәгән, электр энергиясе белән тәэмин итүдә өзеклек тумаган. Электрчылар иртән әлеге төзексезлекне бетерделәр дә.