Әлкидә якташлары эшмәкәр Александр Кулыгин волонтерларга ярдәмгә 20 автомобилен бирде

Илгә афәт янаган бу көннәрдә бик күпләр игелекле эш-гамәлләре белән кешеләргә ярдәм күрсәтәләр. Шундыйларның берсе – Базарлы Матакта туып-үскән “Квадро-Тойс” җаваплылыгы чикләнгән җәмгыяте директоры Александр Кулыгин. Ул изоляциядәге өлкәннәргә ашамлыклар, дарулар алып килүче волонтерларга булышу өчен үз предприятиесендәге җиңел машиналарны биргән. Районның төрле авылларында яшәүче ялгыз әби-бабайларга кирәкле әйберләрне үзвакытында китереп торуда бу бик зур ярдәм. Өлкән буын әлкилеләр мондый мәрхәмәтле кешеләргә бик рәхмәтле.