Рәсим Вәлиәхмәтов - хезмәтне саклау буенча иң яхшы вәкил

  Шунда якташыбыз Рәсим Вәлиәхмәтов икенче урынны яулады. 
Аның районның электр челтәре җәмгыятендә электротөзәтүче булып эшләвенә 10 елдан артык инде. 
Хезмәтне саклау буенча вәкил ул – оешмаларда җитәкченең тиешле хезмәт шартларын оештыруын тикшереп тору буенча җаваплы кеше. 
Бәйгедә 14 хезмәткәр катнашты. 
Бәйге ике этапта үтте:
1 нче этап – хезмәткәрләрнең документларын тикшерү;
2 нче этап исә берничә биремне үз эченә алды: визит карточкасы, модольле тестлаштыру, хезмәтне саклау буенча вакыйгага бәйле һәм иң яхшы плакат, кроссвордлар чишү. 
Бәйге нәтиҗәләре күренгәнчә, ярышчылар бер-берсеннән беразга гына калышкан иде. Шулай да җиңүчеләр дип түбәндәге хезмәткәрләр табылды:
1 нче урын – Олег Проворнов, җитештерү хезмәте;
2 нче урын – Рәсим Вәлиәхмәтов, Әлки электр челтәре;
3 нче урын – Александр Исаев, Норлат районы электр челтәре. 
Жюри әгъзалары һәр хезмәткәрнең дә бәйгегә җитди әзерләнүен билгеләп үтте. Төрле хезмәт һәм оешмаларда хезмәтне саклау буенча вәкилләрнең бик тә кирәкле хезмәткәр булуларына басым ясалды.