Салман участковыена өй әзер

Салманда төзелеп килүче полиция участогы инспекторы өчен өй һәм эш урыны булган бина файдалануга тапшыру өчен әзер диярлек.

Быел районда полиция участоклары өчен ике корылма төзелә. Аның берсе Иске Чаллыда. Салмандагысында инде "Строитель и К" егетләре төзелеш эшләрен тәмамлаганнар. Хәзер бинаны газга тоташтыру мәсьәләсе хәл ителә.

Полиция участок инспекторлары өчен торак һәм эш урыннарын берләштергән биналар республика программасы нигезендә төзелә. Моңа кадәр шундый өйләр Юхмачы һәм Чуаш Борнаенда файдалануга тапшырылган иде.