“Тиздән сез дә бөтендөнья челтәреннән файдалана алырсыз”

Иске Матак авылын­да 394 кеше яши. Юга­ры Матакта - 241 кеше, Абдул Салманда - 48, Яңа Сихтермәдә - 78, Чуаш Шәпкәсендә -110, Татар Шәпкәсендә 118 кеше исәпләнә. Зур җирлекнең про­блемалары, хәл итәсе мәсьәләләре дә күп була шул.

Иске Матак авыл җирлеге башлыгы Ни­колай Кудряшов халык алдында ел дәвамында башкарылган эшләргә нәтиҗә ясады. Алты авылда да шактый эшләнгән. Иске Матакта һәм Татар Шәпкәсендә биотермик (үләт) базлар ремонтланып, тәртипкә китерелгән. 14,5 кило­метр озынлыктагы кыр посадкалары корыган агачлардан арынды- рылган, Иске Матак һәм Чуаш Шәпкәсендәге чишмәләр төзек- ләндерелгән, Иске Ма­тактагы су башнясы буялган, тирәсе тотып алынган. Югары Матак­тагы күлне тирәнәйтеп, чистартып куйганнар, Яңа Сихтермә, Юга­ры Матак зиратлары тирәсен киртәләп алу өчен материаллар са­тып алынган.

Быел Иске Матак, Югары Матак, Чуаш Шәпкәсендә урам юл­ларын төзекләндерергә исәпләре. Абдул Сал­мандагы су башнясы тирәсен тотып алырга, Чуаш Шәпкәсе белән Татар Шәпкәсе арасын­дагы җәяүлеләр күперен ремонтлатырга план- лаштыралар.

Югары Матак хал­кы, авылдагы күл янәшәсендә тракторлар йөреп, чокыр-чакыр калдыралар, дип борчы­ла. Бу урында трактор­ларны, йөк машинала­рын йөртүне чикләргә килештеләр.

Владимир Волостнов Югары Матакта су сый­фатсыз булудан зарлан­ды. Ул краннан аккан болганчык суны савыт­ка тутырып җыенга алып та килгән. Алек­сандр Никошин җирлек башлыгына су башня­сын чистартырга зада­ние бирде.

Югары Матакта­гы Шәпкә урамын­да кар чистартыл­мый, андагы күпер дә төзекләндерүне сорый икән. Җирлек баш­лыгына бу эшләрне дә кичекмәстән башкару йөкләнде.

Иске Матакта да халыкны су белән тәэмин итүдә пробле­малар бар. Биредә шу­лай ук урам юлларын төзекләндерүне сора­дылар. Бу мәсьәләләрне нигездә үзара салым хи­сабына хәл итәргә киле­шенде.

Чуаш Шәпкәсендә яшәүчеләр, авыл зи­ратын тотып аласы иде, диләр. Җирлек башлыгы Николай Ку­дряшов, авылда ини­циативалы кешеләр табылса, бу эшкә быел ук керешәчәкбез, дип ышандыра.

Чуаш Шәпкәсе мәктәбендә җылы бәдрәф ясап булмасмы, дип сорадылар. Алек­сандр Никошин мәктәп бинасында аны эшләр өчен бүлмә табарга да быел ук ясап та куяр­га кирәк, диде. Район җитәкчесе шулай ук спорт залында ремонт эшләрен дәвам итәргә кирәклегенә басым яса­ды.

Халык җыенда Чуаш Шәпкәсендә кибет эшли башлавына сөенечләрен белдереп, рәхмәтләрен җиткерделәр. Бер апа йөрәгенә катла­улы тикшерү үтү за­рурлыгын әйтеп, кая мөрәҗәгать итәргә кирәклеген сорады. Баш табиб урынбасары Эл­лада Плаксина: "Моның өчен сезгә иң башта үзегезнең участок таби­бына мөрәҗәгать итү зарур",-дип аңлатты.

"Госуслуги" порта­лы аша коммуналь хезмәтләр өчен түләр идем, әмма интернет юк",-дип зарланды бер ханым. Район электр элемтәсе участогы белгече: "Авылда һәр көнне берничә йорт­ны интернетка то- таштыру бара, тиздән сез дә бөтендөнья челтәреннән файдалана алырсыз",-дип ышан­дырды.