Әлки районы: Югары тизлек авариягә китергән

Алексеевск бистәсе ягыннан килеп баручы ВАЗ автомобиле шоферы тизлекне арттырып, ягъни РФ Юл хәрәкәте кагыйдәләренең 9.1, 10.1 пунктларын боза, нәтиҗәдә машина белән тиешенчә идарә итә алмый һәм каршы юнәлешле юл кырыена барып төшә. Машинасына тагылган өй-вагон авария нәтиҗәсендә  әйләнеп каплана. Шулай ук машинада утырган шофер да зыян күрә, аңа медицина ярдәме күрсәтелә. Әлеге юл һәлакәтенең нидән һәм ничек килеп чыкканын тикшерү дәвам итә.