Әлки район башлыгы Александр Никошин кыска вакытлы ялга кайткан хәрби Игорь Вассунов белән очрашты

Шулай ук әлеге чәй табыны артында барган эчкерсез әңгәмәгә Алпар авылыннан өлешчә мобилизация чорында хәрби хезмәткә чакырылган Раил Хәйруллин һәм Василий Бойковның (Демидовка) әниләре Тәскирә Хәйруллина һәм Наталья Бойкова да чакырылганнар иде.

Александр Никошин Игорь Вассуновтан Әлки егетләренең ничек хезмәт итүләре белән кызыксынды. Солдат якташлар үзара аралашып, ярдәмләшеп хезмәт итәләр, туган яклардан озатылган гуманитар ярдәмнәр безгә тапшырыла, диде һәм бар егетләрдән дә рәхмәт белдерде. Тәскирә Хәйруллина һәм Наталья Бойковадан исә район җитәкчесе яшәү шартлары белән кызыксынды, көнкүрештә ярдәм кирәк булганда мөрәҗәгать итәргә киңәш итте.

Александр Никошин махсус операциядә катнашучы Әлки егетләренә сау-сәламәт туган якларына әйләнеп кайтуларын теләде.