Аның көпчәкләре дә, дугасыман утыргыч өлеше дә тимердән бизәкләп эшләнгән. Һәм ул йөрү түгел, ә матурлык өчен уйланылган.
Төгәлрәге, ул чәчәк куйгыч вазифасын үти һәм аңа шау чәчәктәге петунияләр савытлары белән урнаштырылган да инде.
Бу матурлыкны тудыручы – әлеге авылда яшәүче Шәүкәт абый Билалов.
– Мин шундый велосипед-гөл савытлары куйгычны Имәнкискә авылы урамында күрдем. Ошаттым. Фотога төшереп алдым да кайткач менә тимерне эретеп ябыштыру юлы белән ясадым. Әмма ишегалдына түгел, ә йортыбыз каршысына урнаштырдым. Матурлыкны күреп, башкаларның да күңеле күтәрелсен, урамыбыз ямьләнсен, дидем, – ди ул.
Шәүкәт Тәлгать улының кулы алтын шул: нинди эшкә алынса да, аны җиренә җиткезеп башкарып та чыга. Капка-коймаларындагы тимердән бизәкләрен дә ул күз куллары белән ясаган!
Шуны әйтергә кирәк: Шәүкәт абыйның өе янәшәсендә кибете булып, ул – авылдашларны тәмле ризыклар, тәм-том белән тәэмин итүче дә. Аның кибетенә кереп, тәртипне, чисталык-пөхтәлекне күреп тә, тел шартлатасың.
Нет комментариев