Әлки районында халыкны Россия Дәүләт Думасы депутаты Айрат Хәйруллин кабул итте

Депутатка район психология-педагогика хезмәте җитәкчесе Нурания Заһидуллина Халыкара балаларны яклау көненә карата чаралар үткәрүдә ярдәм сорап мөрәҗәгать итте. Айрат Хәйруллин булышлык күрсәтергә ышандырды.

“Кызыл Шәрык-Агро”ның вакытлыча ябылган терлекчелек комплексын кабат эшләтеп җибәрү  һәм  пай җирләре хакында да сораулар булды. Айрат Хәйруллин пай җирләренә кагылышлы мәсьәләләрне хәл итүне агрофирманың җаваплы белгечләренә йөкләде. Ә терлекчелек комплексында эшләрнең кайчан башланасы әлегә төгәл билгеле түгел.

Депутатка гозер белән килгән һәр кешенең мөрәҗәгате җентекләп каралды, тиешле аңлатмалар бирелде.