Агымдагы елның 8 аенда район дәүләт автоинспекциясе хезмәткәрләре РФ административ канун бозулар кодексының 20.25 нче маддәсенең 1 нче бүлеге (штрафларны вакытында түләмәү) буенча 166 беркетмә төзеде.
ТР Дәүләт автоинспекциясенең Әлки бүлеге җитәкчесе вазифасын вакытлыча башкаручы, полициянең өлкән лейтенанты Риназ Җиһаншин әйтүенә караганда, җәмәгать хөкемдары тарафыннан аларның 131е тикшерелгән. Нәтиҗәдә, 27 канун бозучы иректән мәхрүм ителгән (15 тәүлеккә); 15 кеше мәҗбүри эшкә юлланган; 82 кешегә беренчел билгеләнгән штрафны икеләтә түләтү карары чыгарылган. Калган беркетмәләр дә тикшерүдә.
Дәүләт автоинспекциясе искә төшерә: штрафны, канун гамәлгә кергәннән соң, 60 көн эчендә түләргә кирәк. Моны эшләмәгән очракта, РФ административ канун бозулар кодексының 20.25 нче маддәсенең 1 нче бүлеге буенча җаваплылык каралган. Аның нигезендә штраф икеләтә арта (1000 сумнан ким түгел); яисә 15 тәүлеккә кадәр административ кулга алу, яки 50 сәгатькә кадәр мәҗбүри эш билгеләнә.
Нет комментариев