Бәхетләре туган якта көткән

Гыйнвар аенда Хурада авыл җирлеге советында бер яшь гаиләнең никахын теркәгән булганнар, инде бу атнада тагын бер пар мөнәсәбәтләрен законлаштырачак.

Яшь гаиләләрнең икесе дә авылда яшәргә исәпләп тора. Алай гына да түгел: Шатунова Алена Казан авыл хуҗалыгы академиясен тәмамлап, "Хузангай" кооперативына югары белемле белгеч булып эшкә кайткан, дәүләт аңа 100 мең сум күләмендә ярдәм күрсәткән кызның "бирнәсе" дә бай: яшь белгечләрне тораклы итү программасы һәм туганнары ярдәме белән Алена йортлы да булган.