Түбән Кәчи мәктәбе укучылары татар телен бик теләп өйрәнәләр

Мәктәптә нигездә чуаш, рус балалары белем ала.

«Мин татарча сөйләшәм» акциясе кысаларында үткәрелгән татар теле һәм әдәбияты атналыгында оештырылган татарча кичәләр һәм бәйгеләрдә алар рәхәтләнеп катнашкан. Халыкара туган тел көненә багышланган «Татарча да яхшы бел», «Муса Җәлил - балалар шагыйре, «Без - Тукай шәкертләре» кичәләрендә укучылар шигырьләр сөйләгән, җырлар җырлаган, әкиятләрдән өзекләр сәхнәләштергән. Балаларда телне өйрәнүгә кызыксыну, омтылыш уятуда татар теле һәм әдәбияты укытучысы Гөлназ Гыйләҗеваның өлеше зур.

фото kazan.dk.ru сайтыннан