Әлки районы башлыгы кубогына бадминтон ярышлары башланды
Бу бәйгедә ике йөздән артык спортчы катнаша
11 августта Базарлы Матакның “Алинә” универсаль спорт залында Әлки районы башлыгы кубогына бадминтон буенча яшүсмерләр арасында регионара ярышлар башланды.
Бәйгегә 14 район һәм шәһәрдән иң көчле спортчылар җыелган.
Ярышларны таннтаналы ачуда район башлыгы Александр Никошин катнашты. Ул бәйгедә катнашачак яшь спортчыларны сәламләде.
Ярышларның баш хөкемдары Максим Муштаков уеннарның шартлары белән таныштырды, һәркемгә, җәрәхәтләр алмыйча, уңышлы чыгышлар теләде.
Ярышлар ике көн дәвам итәчәк. Иң көчле спортчылар Россия ярышларында катнашырга юллама алачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев