Әлки районы спортчылары чаңгы ярышларында призлы урыннар алды
18 гыйнварда Болгарда, Ватанны саклаучылар елына багышлап, егет һәм кызлар арасында чаңгы ярышлары буенча беренчелек узды. Безнең районның спорт мәктәбендә шөгыльләнүчеләр призлы урыннар алды.
Аерым алганда, Алексей Юманов 2014-2015 елгы малайлар арасында 1 чакрымлык арада икенче нәтиҗәне күрсәтте. 3 чакрымга йөгергәндә, Тимофей Гордеевка тиңнәр булмады, ә 3 нче урынга Александр Юманов лаек булды (2010-2011 елгылар).
5 чакрымга йөгергәндә, Дмитрий Манукян, яхшы нәтиҗә күрсәтеп, 1 нче урынны яулады (2007-2009 елгылар). 50 яшькә кадәрге ир-атлар арасында ярышкан Юрий Гордеев, 5 чакрымга йөгереп, 2 нче урынга чыкты.
Спортчыларыбызны һәм аларның тренерлары Юрий Гордеевны котлыйбыз.
Следите за самым важным и интересным в Telegram-каналеТатмедиа
Нет комментариев